«Նոր ալիք 2017» երգի միջազգային մրցույթում Հայաստանը ներկայացնող մասնակիցները՝ Սյուզաննա Մելքոնյանը եւ Էռնա Միրզոյանը, անցել են եզրափակիչ։ Հայաստանից բացի, եզրափակչում են հայտնվել նաեւ Վիետնամի, Ղազախստանի, Մոլդովայի, Ռումինիայի, Ռուսաստանի, Ուզբեկստանի, Ուկրաինայի եւ Շվեդիայի ներկայացուցիչները։
Մրցութային առաջին օրը՝ սեպտեմբերի 9-ին, մասնակիցները կատարել են «Համաշխարհային հիթ»։ Արցախցի, «Արցախի ձայներ» խմբից Էռնա Միրզոյանը (Էռնա Միր), ժյուրիի կողմից արժանացել են ամենաբարձր միավորների (121)։
Սյուզաննա Մելքոնյանը եւս ստացել է բարձր միավորներ (118):
Մրցույթի երկրորդ օր մասնակիցները կներկայացնեն «Երկրի հիթ»-ը, երրորդ օրը՝ հեղինակային երգ: «Նոր ալիք» մրցույթը կավարտվի սեպտեմբերի 14-ին գալա համերգով: