Սեւակ Խանաղյանը` իր «Քամի» երգով, կներկայացնի Հայաստանը «Եվրատեսիլ-2018»-ում: Քիչ առաջ ավարտվեց «Դեպի Եվրատեսիլ» նախագծի եզրափակիչ համերգը, որի ընթացքում տասը մասնակցից 24 միավորով հաղթող ճանաչվեց Սեւակ Խանաղյանը։
Միջազգային ժյուրիի եւ հեռուստադիտողի քվեարկության արդյունքում՝ «Եվրատեսիլի» ուղեգիր նվաճած մասնակիցը մայիսին կմեկնի Պորտուգալիա՝ Լիսաբոն, որտեղ կայանալու է «Եվրատեսիլ 2018»-ը:
Հայաստանի ներկայացուցիչը ելույթ է ունենալու առաջին կիսաեզրափակիչում, որը նախանշված է մայիսի 9-ին: